Zvicër: Pastruesit e oxhaqeve, të mbingarkuar me punë

Ligji thotë se të gjithë oxhaqet duhet të mirëmbahen dhe pastrohen një herë në vit

Pastruesit e oxhaqeve janë të mbingarkuar në Gjenevë, pasi shumë familje duan të rikthejnë në veprim oxhakun e tyre të injoruar prej kohësh.

Duke u përballur me një krizë të mundshme energjetike dhe kufizime federale në temperaturat shtëpiake, përdorimi i drurit duket se është një opsion që ia vlen të eksplorohet.

Ligji thotë se të gjitha oxhaqet duhet të mirëmbahen dhe të pastrohen një herë në vit, shkruajnë mediat zvicerane, përcjell albinfo.ch.

Por, pastruesit e oxhakut dhe kompanitë që instalojnë djegës druri i kanë thënë Tribune de Genève se kanë pasur kaq shumë kërkesa, saqë tani mund të duhen 5 muaj për të marrë një takim.

Nëse një oxhak nuk është përdorur për shumë vjet, duhet të kontrollohet me një aparat fotografik për t’u siguruar që është i sigurt.

Shërbimi Zjarrfikës i Gjenevës thotë se një oxhak i mirëmbajtur keq mund të nënkuptojë tym në shtëpi ose më keq, një zjarr në vetë oxhakun.

---