Zvicër: Covid ishte shkaku i tretë kryesor i vdekjeve

Më shumë njerëz se nga Covidi kanë vdekur nga sëmundjet kardiovaskulare dhe kanceri

Në vitin 2021, ashtu sikurse edhe në vitin 2020, Covid-19 ishte shkaku i tretë më i zakonshëm i vdekjeve në Zvicër. Më shumë njerëz se nga Covidi kanë vdekur nga sëmundjet kardiovaskulare dhe kanceri, transmeton albinfo.ch. Kështu ka bërë të ditur Enti Federal i Statistikave BFS.

Prandaj, radhitja e shkaqeve të vdekjes është e njëjtë me atë të një viti më parë. Në përgjithësi, megjithatë, numri i vdekjeve ka shënaur rënie, shkruan srf.ch.

Kështu:  ndërsa  në vitin e parë të pandemisë, pra në vitin 2020, kishin vdekur gjithsej 76,195 njerëz, numri i vdekjeve në vitin 2021 u zvogëlua në 71,166, siç mund të shihet nga tabelat e pakomentuara të BFS.

Sipas kësaj statistike, shkalla e vdekjeve ka rënë në nivelin e zakonshëm, atë të para pandemisë në Zvicër prej rreth 70,000 vdekjesh në vit.

---