OBSH kërkon të dhëna shtesë për origjinën e COVId-19

(KEYSTONE/Christian Beutler)

Organizata Botërore e Shëndetësisë i ka kërkuar Kinës të publikojë informacione të tjera lidhur me origjinën e pandemisë COVID-19.

Kërkesa vjen pas disa gjetjeve që u zbuluan nga gjurmimi i patogjnëve.

Disa të dhëna të reja nga analizimi i virusit që janë marrë nga tregu i kafshëve në Vuhan të Kinës më 2020 ishin të publikuara për pak kohë në databazën GISAID, duke krijuar kështu mundësi për analizim nga shkencëtarët e tjerë.

Ky analizim sugjeroi që rakunët ishin të infektuar dhe filloi bartja edhe te njerëzit, shkruan Radio Evropa e Lirë, përcjell albinfo.ch.

Qasja në këto të dhëna ishte e kufizuar, çka ngjalli dyshime, pandaj edhe OBSH kërkon të dhëna shtesë. “Këto të dhëna nuk ofrojnë një përgjigje definitive të pyetjes se si filloi pandemia, por çdo e dhënë është e rëndësishme për t’iu afruar së vërtetës”, tha drejtori i OBSH-së, Tedros Adhanom Ghebreyesus, raporton REL, përcjell albinfo.ch.

Pavarësisht kësaj, nuk përjashtohet mundësia që virusi të ketë dalë nga një labortor i sigurisë së lartë.