Austri: Qiratë u rritën për 8.6%

@pixabay

Që prej 1 majit qiratë në Austri do të rriten prej 8.6%. Kjo rritje në kontratat e reja aplikohet prej 1 prillit. 776,000 njerëz në vend janë prekur dhe frenimi i çmimit të qirasë dështoi për shkak të ÖVP dhe të Gjelbërve, shkruan kontrast.at.

Subvencionimi i kostos së strehimit nga paratë e taksave që u vendos në vend të kësaj derdhet drejtpërdrejt në xhepat e pronarëve dhe nxit inflacionin.

Rritja ka prekur të gjithë qytetarët që kanë apartamente në pallate të vjetra nën 130 metra katrorë që janë marrë me qira pas vitit 1994 dhe banesat komunale sidomos në Vjenë.

Në vitin 2022, qiratë standarde u rritën me 5.8 për qind. Kështu, qiratë treguese janë 15 për qind më të shtrenjta se një vit e gjysmë më parë, përcjell albinfo.ch.

Për javë të tëra, partitë qeverisëse kundërshtuan mocionet në Parlament që kërkonin ngrirjen e rritjes së qirasë. ÖVP gjithashtu pengoi propozimin e koalicionit të të Gjelbërve për të frenuar rritjen e qirasë në 2023 nga 8.6 në 3.8%. Ky ishte një propozim minimal: pjesa tjetër e rritjes së qirasë duhet të shtyhet vetëm në 2024-ën dhe 2025-ën, shkruan kontrast.at.

Kostot e banesave janë rritur pothuajse dy herë më shpejt se inflacioni që nga kriza financiare e vitit 2008. Dhoma e Punës ka llogaritur se qiramarrësit në apartamente private në Vjenë kanë paguar mesatarisht 93 për qind më shumë për metër katror vitin e kaluar sesa më 2008.

“Derisa bruto produkti vendor u rrit për 53% mes viteve 2018-2022, qiratë u shtrenjtuan për 121%. Vetëm në vitin 2022 ka pasur një rritje prej 320 milionë euro”, thuhet në transmetim, përcjell albinfo.ch.