Rritet rreziku i shembjes së shkëmbinjve në Brienz

Kërcënimi i rrëshqitjes së shkëmbinjve Brienz-Brinzauls përshpejtohet

Një masë shkëmbi që rrëshqet nga një shpat mali drejt një fshati zviceran po merr vrull, kanë paralajmëruar autoritetet lokale.

Fshati Brienz/Brinzauls tashmë është evakuuar me pjesën prej dy milionë metër kub të malit që kërcënon të përfshijë shtëpitë.

Shpejtësia e rrëshqitjes së shkëmbinjve është trefishuar që kur 84 banorët u dërguan në siguri më 9 maj, u njoftua të dielën, shkruajnë mediat zvicerane, përcjell albinfo.ch.

Me malin e mbuluar nga mjegulla, ka qenë e vështirë të matet rrëshqitja e shkëmbinjve me shumë saktësi gjatë javës së fundit.

Kjo i ka penguar banorët të kthehen në shtëpitë e tyre.

Por autoritetet lokale në kantonin jugperëndimor të Graubünden tani thonë se lëvizja e shkëmbit është përshpejtuar.

Në skenarin më të keq, disa shkëmbinj të mëdhenj mund të rrëzohen nga mali duke arritur shpejtësi deri në 200 km/orë, sipas Simon Löw, profesor i gjeologjisë në institutin federal të teknologjisë ETH Cyrih.

Ky skenar ka potencialin për të shkatërruar fshatin, tha Löw.

---