Takimet në Bruksel, Rama pritet nga Ursula von der Leyen

Rama takon Ursula von der Leyen; diskutohet për situatën në veri të Kosovës

Mësohet se në ditën e dytë të vizitës zyrtare në Bruksel, kryeministri Rama u takua me presidenten e Komisionit Evropian, Ursula von der Leyen, përcjell albinfo.ch.

Thuhet se në takimin “kokë më kokë” është biseduar për situatën në veri të Kosovës dhe domosdoshmërinë e nisjes së dialogut mes Prishtinës e Beogradit.

Një ditë më parë, kreu i qeverisë pati një takim me presidentin e Këshillit Evropian, Charles Michel.

Edhe në bisedën me përfaqësuesin e lartë të Bashkimit Evropian, Rama e vuri theksin tek nisja e zbatimit të planit franko-gjerman, që synon normalizimin e marrëdhënieve mes Kosovës dhe Serbisë.

Pas takimit me presidenten e KE-së, kryeministri Rama do të bisedojë edhe me shefin e diplomacisë evropiane, Josep Borrell.

Në përfundim të takimit, dy liderët do të kenë një deklaratë të përbashkët me vëmendjen te situata në veri të Kosovës dhe te rikthimi i kryeministrit Kurti dhe presidentit Vuçiç në tryezën e dialogut.

---