Rrjeti i Bizneseve nderon me mirënjohje Ambasadorin e Shqipërisë në Zvicër, Ilir Gjoni

Në vazhdën e takimeve përshëndetëse Ambasadori i Republikës së Shqipërisë, Ilir Gjoni, para se të largohet nga misioni diplomatik në Zvicër është nderuar edhe me mirënjohje të ndryshme.

Të ejten në Ambasadën e Shqiperisë në Bernë një delegacion i Rrjeti i Bizneseve të Diasporës Shqiptare në Zvicër, i kryesuar nga kryetari i Rrjetit, Qamil Isufi, nënkryetari i Rrjetit të Bizneseve të Diasporës Shqiptare në Zvicër, Rexhep Berisha, si dhe këshilltari juridik, Nazmi Jakurti, kanë takuar diplomatin shqiptar për të nderuar me një mirënjohje për kontributin e çmuar në përkrahjen e vazhdueshme të Rrjetit të Bizneseve të Diasporës Shqiptare (RRBDSHZ), ngritjen në një nivel më të lartë të shoqërisë shqiptare dhe bizneseve shqiptare në Zvicër.

Rrjeti i Bizneseve të Diasporës Shqiptare në Zvicër falenderoi diplomatin shqiptar për kontributin e çmuar në ngritjen e imazhit të shqiptarëve; për kontribut në kultivimin dhe ruajtjen e gjuhës, kulturës dhe traditave shqipatre, posaqërisht për bashkëpunimin dhe mbështetjen e bizneseve shqiptare në Zvicër.

Ambasadori Gjoni, duke i falenderuar për këtë vlerësim, shprehu konsideratën e tij për gjithë komunitetin e bizneseve shqiptare anetare të kësaj shoqate. Po ashtu shprehu një vlerësim të veçantë për unifikimin e dy shoqatave të bizneseve shqiptare në Zvicër.

Ambasadori i deritanishëm i Republikës së Shqipërisë, në Bernë, Ilir Gjoni do të vazhdojë misionin si Ambasador në NATO në vend të tij do të vjen gazetari i njohur, Mustafa Nano.