‘Ngec’ shitja e banesave në Zvicër

(KEYSTONE/Walter Bieri )

Tregu zviceran i banesave është ndalur. Agjentët e pasurive të patundshme thonë se rritja e normave të interesit, dhe për rrjedhojë, e normave të hipotekave, po i mban larg blerësit.

Michel Fleury, një ekonomist nga banka Raiffeisen, thekson se normat janë dyfishuar që nga fillimi i vitit të kaluar.

Megjithëse aktiviteti është në rënie – nuk ka një rënie të ndjeshme të çmimeve, thotë Fleury për Tribune de Genève, përcjell albinfo.ch.

E njëjta mungesë interesi mund të shihet nga investitorët institucionalë. Tradicionalisht, fondet e pensioneve janë blerës të mëdhenj të pronës.

Në të njëjtën kohë, ata nuk duan të shesin aksionet që tashmë i kanë.