Lajme
Sërish kërcënim me bombë, evakuohet aeroporti i Bazelit
Një ditë më parë, një kërcënim për bombë ka shkaktuar një ndërprerje në operacionet e aeroportit për rreth gjashtë orë
Euroaeroporti Basel-Mulhouse është evakuuar sërish për shkak të një alarmi për kërcënim me bombë.
Për arsye sigurie, terminali është dashur të zbrazet dhe aktualisht është i mbyllur, shkruan Euroairport në faqen e internetit, transmeton albinfo.ch.
Disa fluturime për në Bazel janë anuluar ose janë devijuar.
Sipas autoriteteve franceze, (pasi Euroaeroprti ndodhet në territorin francez) pasagjerët dhe punonjësit e kompanive ajrore dhe të aeroportit janë evakuuar sot, në orët e pasdites. Siç raportuan në X (ish Twitter), bëhet fjalë për kërcënim me bombë.
Pasagjerëve u kërkohet të kontaktojnë kompaninë e tyre ajrore për informacione rreth fluturimit të tyre, shkruan Euroairport në faqen e internetit.
Një ditë më parë, një kërcënim për bombë ka shkaktuar një ndërprerje në operacionet e aeroportit për rreth gjashtë orë. Pasagjerët janë transportuar larg vendit me autobus, shkruan srf.ch. Ishte një alarm i rremë.
Gjithsej 14 aeroporte franceze kishin marrë kërcënime për sulm të enjten në mëngjes, transmeton albinfo.ch. Të paktën 11 aeroporte u evakuuan në përgjigje të këtyre kërcënimeve me bomba, raportoi agjencia e lajmeve AFP. Aeroportet e Montpellier, Nantes, Bordeaux dhe Lille janë prekur veçanërisht.
Të ngjashme
Të tjera nga Lajme
E-Diaspora
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës Panairi më në zë te shqiptarët “Gjergji, Heroi Kombëtar”, gjithmonë i ka bërë bashkë shqiptarët, përcjell...
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
Jeta në Zvicër
-
Zvicra përgatitet për rritje prej 10% të azilkërkuesve në vitin 2024 Ministri zviceran i Drejtësisë, Beat Jans ka deklaruar se pret një rritje prej 10% të numrit...
-
Një sferë mahnitëse shfaqet në Gjenevë
-
Importuesi zviceran i makinave dënohet me 4.2 milionë franga gjobë, kjo është arsyeja
-
Kushdo që është pa diplomë universitare, vështirë se do të marrë pasaportë zvicerane
-
Shi i dendur në Thurgau, autostrada nën ujë