Kosova
Bie detyrimi i vizave për kosovarët – çfarë do të thotë kjo për Zvicrën?
Radhët e gjata para Ambasadës së Zvicrës në Prishtinë kanë qenë një pamje e zakonshme. Por kjo së shpejti do të përfundojë...
Liberalizimi (i vonuar) i vizave për Kosovën, që hyn në fuqi më 1 janar, respektivisht ndryshimi që sjell ky liberalizim, ka ngjallur interesimin edhe të mediave zvicerane, duke qenë se një numër i madh i kosovarëve “gravitojnë” në Zvicër. Kështu, radioja e transmetuesit publik SRF ka realizuar një kronikë, ku sqarohet situata e re. albinfo.ch sjell në vazhdim artikullin shoqërues të kësaj kronike.
Heqja e vizave është një lehtësim i madh për kosovarët. Nga 1 janari ata mund të hyjnë në zonën Shengen, duke përfshirë Zvicrën, pa vizë.
Radhët e gjata para Ambasadës së Zvicrës në Prishtinë deri më tani kanë qenë një pamje e zakonshme. Bëhet fjalë për kosovarët që duhet të qëndrojnë në radhë për të aplikuar për vizë. Por kjo së shpejti do të përfundojë, shkruan srf, transmeton albinfo.ch. Nga 1 janari, qytetarët e Kosovës mund të udhëtojnë në Zvicër për qëndrime të shkurtra maksimumi 90 ditë pa vizë.
Mundësia për të udhëtuar në vendet evropiane pa viza është e një rëndësie të madhe për qytetarët e Kosovës, si në aspektin praktik, ashtu edhe në atë simbolik. Këtë e nënvizon për SRF edhe politikani i FDP-së së Cyrihut, Përparim Avdili, i cili vetë ka rrënjë shqiptare dhe ka shumë kontakte në Kosovë.
Të rinjtë ndiheshin të bllokuar si në një kafaz, në mes të Evropës
“Shumë të rinj janë ndier të bllokuar si në një kafaz në mes të Evropës”, thotë Avdili. Ky hap tani do të korrigjojë një padrejtësi. “Njerëzit tani mund të udhëtojnë lirshëm në përputhje me vlerat evropiane”, shton ai. Kështu, për shembull, kosovarët mund të vizitojnë më lehtë familjen dhe miqtë në Zvicër.
E djathta, në panik për “imigracionin ilegal”
Fakti që njerëzit nga Kosova nuk kanë më nevojë për vizë ka ngritur frikën, veçanërisht në krahun e djathtë të politikës zvicerane se kjo mundësi mund të keqpërdoret si një portë për imigracionin ilegal dhe punën e paligjshme.
Por, Sekretariati i Shtetit për Migracionin (SEM) po e vëzhgon këtë dhe nuk sheh arsye për panik, siç shpjegon menaxheri i komunikimit, Samuel Wyss.
Ai thotë se zhvillimet po ndiqen nga afër. Zvicra ka marrëdhënie shumë të mira dypalëshe me Kosovën, përcjell albinfo.ch. “Bashkëpunimi funksionon shkëlqyeshëm edhe në fushën e kthimeve dhe çdo problem mund të adresohet shpejt”, thotë Wyss.
Të ngjashme
Të tjera nga Kosova
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas