Arijan Ademi braktis përfaqësuesen e Maqedonisë së Veriut në futboll

Arijan Ademi i jep fund karrierës te Maqedonia e Veriut

Në një deklaratë për media, trajneri i Përfaqësueses së Maqedonisë së Veriut në futboll, Bllagoj Milevski, ka njoftuar se Arijan Ademi nuk do të luajë më për përfaqësuesen e Maqedonisë së Veriut, përcjell albinfo.ch.

Milevski tha se të gjithë duhet ta falënderojnë Ademin për kontributin e deritanishëm.

“Veçanërisht më vjen keq për mungesën e Arijan Ademit, i cili për arsye personale vendosi t’i japë fund karrierës së tij në përfaqësuese. Kam pasur një bisedë me Arijanin. Do të na mungojë edhe si njeri, edhe si futbollist. Ai është kategorik në vendimin e tij. Ai ndjen se ky është momenti për përfundimin e paraqitjeve të tij në kombëtare dhe ne nuk do të llogarisim tek ai. Të gjithë duhet të shprehim mirënjohje për kontributin e tij për kombëtaren e Maqedonisë dhe për futbollin tonë në përgjithësi”, tha Milevski.

 

 

 

 

---