Përpjekja e sirianit për t’u bërë zviceran do t’i kushtojë Komunës Romanshorn 50,000 CHF

(KEYSTONE/Michael Buholzer)

Përpjekja e një siriani 46-vjeçar për t’u bërë zviceran, do t’i kushtojë Komunës së tij, Romanshorn, në kantonin Thurgau, 50,000 CHF.

Talal Aldroubi ka jetuar në Zvicër për 12 vjetët e fundit – dhe për 5 të fundit është përpjekur të bëhet zviceran.

Por, kërkesa e tij është refuzuar gjithmonë nga autoriteti i tij vendor, ndaj ai iu drejtua Gjykatës Federale, shkruajnë mediat zvicerane, përcjell albinfo.ch.

Gjyqtarët e mbështetën atë dhe urdhëruan komunën të paguante të gjitha shpenzimet e tyre dhe të tij.

Ai gjithashtu ka marrë 8,000 CHF si kompensim.

Ai ka vendosur të largohet nga Romanshorn, duke besuar se ai dhe gruaja e tij e re zvicerane nuk janë të mirëpritur. Ai po zhvendoset në kantonin e Cyrihut.