Kosova
Kosova, ‘mollë sherri’ për shqiptarët e Maqedonisë, përplasen Taravari e Osmani
Kandidati për president nga radhët e VLEN, Arben Taravari, deklaroi se është tronditur me informatën nga zëdhënësi i Qeverisë së Kosovës, se Bujar Osmani ka qenë hartues i planit 9 pikësh nga OSBE-ja për deeskalimin dhe normalizimin e situatës në Veriun e Kosovës, i cili parashikonte tërheqjen e forcave speciale të Kosovës nga Veriu, dorëheqjen e kryetarëve të zgjedhur në katër komuna të veriut, ndërkaq për sigurinë e qytetarëve të kujdesej policia e rregullt, shkruan Alsat.
“Si mundet një plan, i cili u refuzua në tërësi nga Qeveria e Kosovës të sjellë paqen? Lërini sulmet dhe mburrjet e kota zotëri Osmani, por shpjegoni publikut, pse keni kërkuar që në veri të Kosovës të largohen policët specialë dhe të mbeten vetëm policët e thjeshtë? A e dini ju se me forcat terroriste, policët e thjeshtë nuk kanë kapacitet të përballen siç u konfirmua edhe me rënien e dëshmorit Afrim Bunjakut? A është koncepti juaj për paqen, hapja e rrugës për terroristët dhe cenimi i sovranitetit të Kosovës?”, tha Arben Taravari, kandidat për president nga VLEN.
Nga ana tjetër, deklarimet se Osmani derisa ka qenë kryesues i OSBE-së ka kërkuar që Kosova të mos e kontrollojë Veriun e Kosovës, Osmani i ka quajtur gënjeshtra, të cilat janë pjesë të luftës hibride.
Sipas tij, kërkesa e OSBE-së ka qenë që edhe Serbia t’i tërheqë forcat e armatosura nga kufiri.
“Asokohe në konsultime me disa qendra, kryesimi i OSBE-së doli me një propozim që të largohen në distancë dy palët. Domethënë, ushtria serbe të tërhiqet dhe të ulë gatishmërinë, forcat speciale të Kosovës të tërhiqen më poshtë, kurse Veriun ta kontrollojnë forcat e rregullta të Kosovës. Është gënjeshtër që është kërkuar që Kosova të mos e kontrollojë Veriun. Por, të jenë forcat e rregullta, forcat speciale të largohen prej kufirit të forcave me Serbinë që të mos ndodhë një kontakt sikur ajo që ndodhi në Banjskë, për shembull, dhe të eskalon”, tha Bujar Osmani, kandidat për president nga radhët e “Frontit Europian”.
Osmani, paraprakisht deklaroi se derisa ka qenë kryesues i OSBE-së, ka dalë me plan 9-pikësh për deeskalimin e situatës në veri të Kosovës, gjatë muajit qershor të vitit të kaluar. Plani, sipas Osmanit, më pas është bërë pjesë e Qeverisë.
Megjithatë, zëdhënësi i Qeverisë së Kosovës, Përparim Kryezi, demantoi Osmanin se plani është bërë pjesë e Qeverisë, ndërkaq deeskalimi në veri ka ndodhur pa e cenuar sovranitetin e shtetit.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
Kompania kosovare që mobiloi resorte botërore E themeluar në vitin 1992, Albed, kompania kosovare me tri showroom-e: Prishtinë, Fushë-Kosovë dhe Vushtrri, përveç mobilieve...
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll
-
Çfarë është “certifikata familjare” e Zvicrës dhe kush duhet ta ketë atë?
-
Numri i të punësuarve në Zvicër, ka arritur në 5.3 milionë në tremujorin e parë të 2024-ës