Lajme
Shoqata ‘Smira” mbledh bashkatdhetarët në Gjenevë
Në një manifestim të cilësuar si ngjarje e dashurisë dhe respektit midis smirasëve, shoqata ‘Smira’ në Gjenevë ka mbajtur një takim me bashkatdhetarë.
Me moton “Bashkimi i vlerave smirase”, ata manifestuan gjithë dashurinë dhe respektin që kanë për njëri-tjetrin dhe për vendlindjen e tyre.
“Entuziazmi, empatia dhe përkushtimi për t’u bërë bashkë vërehej që nga fillimi kur njerëzit filluan të mblidheshin, e deri në fund kur përshëndeteshin me dëshirën për t’u takuar sërish”, njofton shoqata.
Në këtë manifestim të pranishëm ishin edhe udhëheqësi i Konsullatës së Republikës së Kosovës në Cyrih, Vigan Berisha, kryetari i Komunës Vernier, Matias Buschbeck, e personalitete të tjera.
Folësit shprehën respektin për mënyrën e organizimit dhe të aktivizmit qytetar që ka Smira.
Kryetari i Shoqatës “Smira”, në Gjenevë, Ramadan Rrahmani, prezantoi aktivitetet e shoqatës përgjatë viteve, kurse gazetari Tefik Salihu shpalosi aktivitetet dhe ngjarjet që kanë ndodhur nga janari i këtij viti e deri më tash, në Smirë. Ameli Rrahmani, bashkë me Liam dhe Kilian Aliu, patën një pjesë të shkurtë teatrale, përgatitur nga Ramadan Rrahmani.
Më pas u shtrua Darka Smirase me gatimet tradicionale që pjesëmarrësit kishin sjellë nga shtëpitë e tyre. Pati edhe lojë shpërblyese të sponsorizuar nga bizneset e smirakve në Gjenevë dhe nga individë si kurse Ahim Agushi bëri një shfaqje, duke zhongluar me top në kokë para të pranishmëve. Ai, gjatë ditës e vendosi një rekord të cilin ia dedikoi diasporës smirase.
Anëtarët e kryesisë, aktivistët dhe vullnetarët bënë punë të madhe, në mënyrë që manifestimi të shkojë si duhet.
Të tjera nga Lajme
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë