Nënshkruhet memorandum mes “Go Digital” dhe partnerëve, të cilët mbështesin kompanitë mikro të RMV-së

“Go digital” mbështetet nga Ambasada e Zvicrës me Programin për rritjen e punësueshmërisë në treg (IME)

Bëhet e ditur se sot fondacioni i sapoformuar – Qendra për Transformim Digjital “Go digital” nënshkroi Memorandum për bashkëpunim me partnerët, të cilët e mbështesin misionin e saj për krijimin e ekosistemit për transformim digjital të ndërmarrjeve mikro, të vogla dhe të mesme, në Maqedoninë e Veriut, përcjell albinfo.ch.

Thuhet se qëllimi i kësaj organizate jofitimprurëse është që të mbështeten kompani, të cilat janë të suksesshme në punë, por u mungojnë aftësi digjitale që të jenë konkurruese dhe ndërkombëtarisht të dukshme dhe të nxiten për eksport në tregjet globale.

Ndërkohë nisma për themelimin e Qendrës është e bordit të “Maqedonia 2025” dhe memorandumi ishte nënshkruar në kuadër të Samitit “Maqedonia 2025” me përfaqësues të tyre dhe me partnerët nga Programi zvicran për rritjen e punësimit në treg (IME), Shtëpia Kliring – Sisteme ndërbankare Kliring SHA Shkup dhe Viza Evropa Juglindore.

Vlen të theksohet se partner që e mbështet “Go digital” është Ambasada e Zvicrës me Programin për rritjen e punësueshmërisë në treg (IME). Ambasadorja Veronika Ulman tha se e mbështesin Maqedoninë e Veriut në këtë sferë, veçanërisht sepse ajo është e drejtuar në sektorin privat, i cili, tha, duhet të besojë që të mund të marrë pjesë në zhvillimin inovativ. Një nga elementet kyçe për këtë, theksoi Ulman, është digjitalizimi i sektorit privat dhe inteligjencës artificiale.

 

---