Sekuestrohen mbi 130 milionë euro të organizatave mafioze

Photo ilustrim

Policia italiane ka konfiskuar më shumë se 130 milionë euro (140 milionë dollarë) në një kontroll kundër aseteve mafioze, deklaruan autoritetet.

Operacioni u drejtua kundër degëve të organizatave kriminale ”Ndrangheta” dhe ”Camorra”, veçanërisht në Romë, të përfshira në pastrim parash.

Janë arrestuar gjithsej 18 të dyshuar.

Më shumë se 50 të tjerë janë nën hetim. Ata akuzohen veçanërisht për pastrim parash nga veprimtari kriminale, fajde dhe zhvatje.

Më shumë se 500 agjentë në Romë dhe në disa qytete të tjera italiane u përfshinë në operacion.

”Ndrangheta” kalabreze dhe ”Camorra” napolitane, së bashku me ”Cosa Nostra”-n siciliane, kanë qenë ndër grupet kriminale më të fuqishme në Itali për dekada, transmeton ansa përcjell albinfo.ch.

Të tre organizatat kanë qenë prej kohësh aktive përtej territoreve të tyre të mëparshme, duke përfshirë aktivitete edhe jashtë vendit.

Vetëm xhiroja globale e ”Ndrangheta” vlerësohet në mbi 50 miliardë euro në vit, kryesisht nëpërmjet biznesit të drogës