Kosova
Murati: Opsioni i fundit zgjedhjet e reja

Në një deklaratë për media, deputeti i LVV-së, Hekuran Murati, ka theksuar se zgjedhjet janë opsioni i fundit dhe se LVV-ja nuk ka për qëllim ta çojë vendin në zgjedhje, përcjell albinfo.ch.
“Nuk është qëllimi ynë të shkojmë në zgjedhje; ai do të ishte opsioni i fundit për ne. Nëse, në fund të ditës, Kuvendi dhe deputetët refuzojnë ta konstituojnë Kuvendin, atëherë opsioni i fundit mbetet zgjedhjet,” ka deklaruar Murati pas dështimit të konstituimit të Kuvendit.
“Na takon të bëjmë thirrje për reflektim subjekteve parlamentare që të votojnë,” ka shtuar ai.
Sipas tij, në këtë fazë shumicën nuk e kanë as partitë e tjera.
“Kemi parë që edhe tabori tjetër, ai që po voton kundër, ka vetëm 46 vota. Nuk është se votat kundër janë 61; duhet konsensus politik,” është shprehur Murati, duke theksuar nevojën për një zgjidhje të përbashkët.
Ai i ka akuzuar partitë që në legjislaturën e kaluar, kur ishin në opozitë, për taktizim dhe bllokim të konstituimit të Kuvendit të Kosovës.
“Kundërshtitë që bëhen lidhen më shumë me taktizime sesa me ndonjë arsye konkrete. Albulena Haxhiu është gruaja më e votuar në zgjedhjet e fundit; pra, ka çdo të drejtë, dhe është së tepërmi e padrejtë të thuhet se nuk i plotëson kushtet. Realisht, këto kushte i plotëson çdo deputet, dhe ne kemi shkuar edhe më tej duke propozuar një grua për kryetare të Kuvendit,” ka përfunduar ai, duke shtuar se emri i kandidatit nuk do të ndryshohet.
Të tjera nga Kosova
E-Diaspora
-
Rritet puna në bizneset kosovare falë diasporës Mërgata vazhdon të jetë një faktor kyç për zhvillimin ekonomik të Kosovës, duke ndikuar drejtpërdrejt në...
-
Nga refugjat politik – Kryetar i Këshillit Bashkiak të Lozanës: Historia frymëzuese e Musa Kamenicës
-
Konsullata e Kosovës në Shtutgart pas aksidentit me tren: Nuk ka informacione për viktima nga Kosova
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
Jeta në Zvicër
-
Çmimet e ulëta të Uber ndezin zemërimin e taksistëve në Ticino Ka kaluar një vit që nga ardhja e shërbimit të transportit privat Uber në kantonin jugor...
-
Autostradat, në qendër të strategjisë diellore të Konfederatës
-
Pasagjerët e avionit shpëtohen gjallë pas uljes emergjente në Liqenin e Lucernit
-
Sekuestrohet kokainë dhe armë zjarri: Arrestohet një shqiptar dhe një italian
-
Pse shumë zviceranë zgjedhin të emigrojnë në pleqëri?