Muzikë

Zvicra interpreton në Eurovizion me këngën “Voyage”

E martë, 13 Maj 2025 - 22:33 albinfo.ch

Zvicra ka performuar sonte në Eurovizion në Basel me këngëtaren Zoë Më, e cila përfaqëson vendin me këngën “Voyage”.

Ajo interpretoi në gjuhën frënge një këngë që flet për mirëkuptim dhe respekt në marrëdhëniet mes njerëzve, duke dhënë një mesazh pozitiv për kohën që jetojmë, sidomos në epokën e mediave sociale, shkruan albinfo.ch.

Zoë Më, që vjen pikërisht nga Bazeli, u prit ngrohtësisht nga publiku. Performanca e saj ishte e thjeshtë, por prekëse dhe e sinqertë. Me zërin e saj të qetë dhe skenën elegante, ajo arriti të përcjellë emocionin e këngës te shikuesit.