Vjosa Osmani ndanë medalje presidenciale për mërgimtarët në ShBA

Presidentja e Kosovës, Vjosa Osmani gjatë qëndrimit të saj në Shtetet e Bashkuara të Amerikës është takuar me mërgatën shqiptaro-amerikane, ku ka ndarë medalje presidenciale diasporës amerikane për mërgimtarët që kontribuan për liri të Kosovës.

“Përgjatë viteve 80’ta dhe viteve 90’ta kur populli shqiptar në Kosovë rrezikohej nga regjimi shtypës dhe gjenocidal i Millosheviqit, mërgata jonë këtu në Amerikë u bë zëri i besës dhe shpresës, jo vetëm për mbijetesën tonë, por edhe për lirinë dhe pavarësinë”, ka deklaruar ajo, transmeton albinfo.ch.

Në ceremoni janë ndarë medalje si “Urdhri i Pavarësisë” dhe “Hasan Prishtina”.