Hagë: Apeli ulë në 13 vjet burg dënimin e Pjetër Shalës

Paneli i Gjykatës së Apelit në Dhomat e Specializuara të Kosovës në Hagë ka marrë vendim t’i ulë dënimin në 13 vjet burg Pjetër Shalës, i dënuar për krime lufte.

Paneli gjeti shkelje në aktgjykimin e Themelores teksa rrëzoi shumicën e pikave të ankesës së Shalës.

Ish-pjesëtari i Ushtrisë Çlirimtare të Kosovës, u dënua me 18 vjet burg në korrik të vitit 2024, pasi u shpall fajtor për ndalim arbitrar, torturë dhe vrasje të paligjshme në Fabrikën e Metalit në Kukës, transmeton albinfo.ch.