Socialistët dhe demokratët arrijnë ujdi për reformën në drejtësi

Përfaqësues të Partisë Demokratike të Shqipërisë (PD) dhe ata të Partisë Socialiste (PS) kanë arritur ujdi rreth çështjes së reformës në fushën e drejtësisë. Kryetari i Komisionit të Ligjeve në Kuvendin e Republikës së Shqipërisë, Fatmir Xhafa, njoftoi të hënën se është arritur marrëveshje me opozitën dhe sipas tij një komisionin i përbashkët së shpejti do t’i bashkërendojë qëndrimet për reformën, njofton televizioni Top Chanel.

“Do të ngrihet një komision që do të përbëhet nga 10 anëtarë, 5 nga mazhoranca dhe 5 nga opozita. Shpresoj se roli i opozitës në këtë proces do të jetë konstruktiv. Uroj që ky të jetë një ndryshim i vendimit të Kuvendit jo si akt formal, por t’i shërbejë vendit”, tha Xhafa.

Ai shtoi se reforma në drejtësi “është një proces që ka të bëjë me fatet e demokracisë”.

Ndërkohë, deputeti demokrat, Eduart Halimi, tha se reforma është shumë e rëndësishme. “Do të falënderoja partnerët ndërkombëtarë dhe kryetarin e komisionit që u tregua fleksibël në arritjen e kësaj marrëveshjeje”, tha Halimi.

Ndryshe, gjatë vizitës së fundit në Tiranë, kancelarja gjermane, Angela Merkel, kishte bërë presion tek autoritet qeveritare dhe të opozitës, që të arrihej një koncesues kombëtar për reformën në fushën e drejtësisë, që është prioritet i procesit integrues të Shqipërisë për në Bashkimin Evropian.