Avni Qahili emërohet drejtor i Muzeut Kombëtar të Arteve Bashkëkohore në Maqedoninë e Veriut

Ky emërim vlerësohet si një hap domethënës drejt forcimit të diversitetit profesional dhe përfaqësimit gjithëpërfshirës në institucionet shtetërore të artit

Emërimi i Avni Qahili në krye të Muzeut Kombëtar i Arteve Bashkëkohore përbën një zhvillim të rëndësishëm për jetën institucionale dhe kulturore të Republikës së Maqedonisë së Veriut. Ky emërim vlerësohet si një hap domethënës drejt forcimit të diversitetit profesional dhe përfaqësimit gjithëpërfshirës në institucionet shtetërore të artit.

Muzeu, i njohur për rolin e tij elitar në promovimin e artit bashkëkohor, pritet të vijojë misionin e tij me theks në zhvillimin e programeve cilësore, dialogun kulturor dhe hapjen ndaj bashkëpunimeve rajonale e ndërkombëtare. Nën drejtimin e Qahilit, synohet që aktivitetet e institucionit të pasurohen më tej dhe të krijohen mundësi të reja për prezantimin e artistëve nga Maqedonia e Veriut dhe më gjerë.

Me një profil të konsoliduar artistik dhe institucional, Qahili pritet të kontribuojë në forcimin e rolit të muzeut si platformë profesionale për artin bashkëkohor, duke respektuar standardet ndërkombëtare dhe traditën e ndërtuar ndër vite.
Artistet Shqiptare (@artistet_shqiptare) • Instagram photos and videos

(L.A.)

---