Turniri “Gjergji i Pamposhtur” në Bülach

Shoqata “Gjergj Kastrioti” Zvicër organizon më 31 maj 2026 turnirin amator të mundjes së duarve “Gjergji i Pamposhtur”, në kuadër të 621-vjetorit të lindjes së Gjergj Kastriotit – Skënderbeut. Aktiviteti synon të bashkojë komunitetin në një organizim sportiv e kulturor me karakter përkujtimor.

Aktiviteti mbahet në adresën Grampenweg 5, 8180 Bülach ZH. Pritja e pjesëmarrësve fillon në orën 11:30, programi në orën 12:00, ndërsa turniri nis në orën 13:00.

Hyrja është e hapur sipas dëshirës. Regjistrimi për pjesëmarrje në turnir bëhet në vend, nga ora 11:00 deri në 13:00, ndërsa tarifa për pjesëmarrje është 10 CHF për kategoritë e femrave dhe meshkujve.

Për fituesit janë paraparë çmime: vendi i parë 100 CHF, vendi i dytë 70 CHF dhe vendi i tretë 50 CHF.

Në kuadër të aktivitetit do të organizohet edhe një punëtori arti për fëmijë, duke e bërë këtë ngjarje të përshtatshme për të gjitha grupmoshat.

Organizatorët bëjnë të ditur se aktiviteti është i hapur për publikun.