Policia e Kosovës në bashkëpunim me AKI-në kapin 60 kilogramë marihuanë

Foto FB: Kosovo Police

Policia e Kosovës në aksion të përbashkët me Prokurorinë Themelore në Prishtinë dhe Agjencinë e Kosovës për Inteligjencë ka sekuestruar rreth 60 kilogramë substancë narkotike të dyshuar të llojit marihuanë dhe arrestimin e katër personave të dyshuar.

Sipas njoftimit, aksioni është zhvilluar pas hetimeve disa mujore dhe zbatimit të masave të veçanta hetimore, në dy lokacione në Komunën e Prishtinës dhe në fshatin Babush të Komunës së Ferizajt.

Lidhur me rastin janë arrestuar katër persona, përkatësisht një shtetas i Republikës së Kosovës, dy shtetas të Republikës së Serbisë dhe një shtetas i Republikës së Shqipërisë, transmeton albinfo.ch.

Përveç substancave narkotike janë sekuestruar dy automjete dhe një kamion që dyshohet se janë përdorur në aktivitetet kriminale.