Emigrantët mund të arrijnë në Itali nëpërmjet Shqipërisë, druan BE-ja

Bashkimi Evropian druan se kontrabandistët do të hapin një udhëtim të ri në det për emigrantët, midis Shqipërisë dhe Italisë, nëse kufijtë tokësorë mbyllën në Ballkan, pohuan të dielën zyrtarët e BE-së në Bruksel, njofton albinfo.ch.

“Ekziston rreziku se rruga nëpërmes Shqipërisë dhe Italisë të bëhet rruga e ardhshme që do të ndjekin refugjatët këtë dimër”, është shprehur për agjencinë Reuters një zyrtar i lartë i BE-së.

Kryeministri i Shqipërisë, Edi Rama, ka marrë pjesë të dielën në Bruksel në një mini-samit të organizuar nga presidenti i Komisionit Evropian, Jean-Claude Juncker, rreth tij me udhëheqësit e disa vendeve të Evropës Qendrore dhe të Ballkanit, veçanërisht të ekspozuar ndaj fluksit të emigrantëve.

Italia, në bregdetin e të cilës mijëra emigrantë vijnë nga Libia, nuk ishte e ftuar në samit.

Gati 500.000 persona, shumica sirianë dhe irakianë, por edhe emigrantë aziatikë kanë arritur në Greqi nga Turqia në dhjetë muajt e parë të vitit, sipas shifrave të BE-së. Shumica e vazhduan rrugën e tyre nëpërmjet Maqedonisë, Serbisë dhe Kroacisë, me destinacionin final të vendeve veriore, veçanërisht në Gjermani.

Megjithatë, Hungaria ka mbyllur kufijtë e saj dhe vendet e tjera në rajon kanë ndërmarrë hapa të ngjashëm, ndërsa dhjetëra-mijëra emigrantë janë bllokuar në të ftohtë dhe në lagështi të vjeshtës në Ballkan. Rruga për në Itali, nëpër malet e Greqisë dhe Shqipërisë, mund t’u ofrojë atyre një udhëtim më të shpejtë, edhe pse i rrezikshëm, vështrojnë Francesco Guarascio dhe Eric Faye për shërbimin francez.