Aargau: Të shtëna me armë zjarri, një person i plagosur, i dyshuari në arrati

@pixabay

Disa të shtëna u qëlluan në Kleindöttingen AG të shtunën në mbrëmje. Policia konfirmoi se një person është plagosur.

“Dëgjova tre të shtëna”, tha një dëshmitar për 20 Minuten. “Isha pak metra larg, në pritje të një kolegu, në fillim mendova se ishin fishekzjarre”.

Një tjetër dëshmitar ka thënë se zona ishte e rrethuar. Të dy dëshmitarët përmendin se ngjarja ka ndodhur ndoshta në një dyqan fshati, transmeton albinfo.ch.

Policia kantonale e Aargaut konfirmoi se po zhvillon hetimet. Një person ka pësuar disa plagë me armë zjarri nga ngjarja, por ndodhet në gjendje stabile. Aktualisht po punohet për kapjen e një të dyshuari ende të panjohur. Marrëdhëniet mes personave të përfshirë, motivi i krimit dhe vendndodhja e saktë janë gjithashtu objekt i hetimeve.