Abdixhiku nominohet nga LDK si kandidat i kësaj partie për kryeministër

LDK-ja ka vendosur që Lumir Abdixhiku të jetë kandidati i saj për kryeministër në zgjedhjet e ardhshme nacionale. Vendimi u bë publik nga vetë Abdixhiku gjatë një konference për media, ku theksoi se partia do të marrë pjesë në zgjedhje pa koalicione parazgjedhore.

Ai shpjegoi se Kryesia e LDK-së e ka nominuar si kandidat për kryeministër përderisa ai udhëheq partinë, dhe shtoi se renditjen e listës zgjedhore do ta bëjë një grup më i gjerë njerëzish për të shmangur pakënaqësitë.

Abdixhiku tregoi gjithashtu se një pjesë e listës së LDK-së do të mbetet e hapur për bashkëpunime me parti ose individë të tjerë, duke përfshirë edhe NISMËN dhe Fatmir Limajn, si dhe parti të tjera më të vogla që shfaqin interes.