Abrashi i lumtur me suksesin e Grasshoppers, tani mendjen te Kombëtarja

(KEYSTONE/Ti-Press/Alessandro Crinari)

Amir Abrashi ka arritur të sigurojë mbijetesën me Grasshoppers në Superligën e Zvicrës.

Skuadra e mesfushorit shqiptar ia doli të fitonte 2-1 ndaj Thun në sfidën “Play-Off”.

Abrashi ishte mjaft i lumtur për fitoren dhe qëndrimin ën Super League.

“Nuk mund ta përshkruaj me fjalë. Kjo është një nga fitoret më të rëndësishme të karrierës. Presioni ishte i jashtëzakonshëm, shumë njerëz nuk donin që ne të qëndronim në elitë. Tani pikë së pari do të pi një birrë! Por nuk mund të pi shumë, pasi duhet të bashkohem me ekipin kombëtar”, ka deklaruar mesfushori.

34-vjeçari shqiptar, i cili rikthehet te kuqezinjtë pas thuajse 1 viti mungesë. Në fakt Abrashi do të ketë grumbullimin e parë nën urdhrat e Sylvinhos dhe kjo është ftesa e tij e parë nga braziliani.