Adnan Dibrani, kosovari i parë në Parlamentin Evropian

Nga zgjedhjet në Bashkimin  Evropian, Adnan Dibrani, që ishte edhe deputet në Parlamentin e Suedisë ka siguruar një mandat pesë vjeçar në Parlamentin Evropian.

“Rrezultatet preliminare dhe raportimet e mediave suedeze po tregojnë se, z. Adnan Dibrani, është shqiptari i parë nga Kosova që ka fituar mandatin e eurodeputetit dhe nga sot, në 5 vitet e ardhshme do të jetë eurodeput në Parlamentin e Evropës”, ka shkruar deputeti i Kuvendit të Kosovës, Besnik Tahiri.

Adnan Dibrani ka lindur në Mitrovicë, si i ri emigroi në Suedi, atje kishte një angazhim të madh si qytetar aktiv.

Dibrani për tri mandate ishte deputet në Parlamentin e Suedisë dhe poashtu ishte përfaqësues në Asamblenë Parlamentare të Këshillit të Evropës ku e ndihmoi shumë Kosovën.