Aeroplani aterron urgjentisht në Sofia, pasagjerët në pritje për t`u nisur drejt Zvicrës

Një aeroplan i kompanisë ajrore Corendon Airlines fluturonte nga Antalya drejt Zürich, por mesa duket ka hasur në probleme, shkruan “20min”. Aeroplani ka fluturuar lartësi të përgjysmuar në pesë kilometra, nga rreth dhjetë që është normalja, ndërsa piloti ka harkuar për të ateruar në aeroportin e Sofies.

Pasagjerët e aeroplanit theksojnë se një gjë të tillë kurrë nuk e kishin përjetuar dhe menduan se aeroplani po ulet pingul në tokë. “Papritur ranë maskat e oksigjenit,” tha një pasagjer, transmeton albinfo.ch. Udhëtarëve ju kërkua që ti mbajnë për “arsye sigurie”. Disa pasagjerë u ankuan për dhimbje veshësh.

Kompania Corendon nuk ka dhënë detaje për aksidentin, ndërsa pasagjerët presin në aeroport për një fluturim tjetër drejt Zürich-ut.