Aeroporti i Cyrihut me më shumë profit

Aeroporti i Cyrihut ka fituar më shumë në gjysmën e parë të këtij viti. Profiti është rritur për 9.1 për qind në 80.2 milionë euro, derisa numri i pasagjerëve u rrit për 3.1 për qind.

Për tërë vitin 2012 aeroporti i Cyrihut llogarit në rritje të numrit të pasagjerëve për 2.5 për qind. Autoritetet e aeroportit kanë thënë se presin një rritje edhe të profitit prej 5 deri në 10 për qind.

Nga janari deri në qershor 11.8 milionë pasagjerë kanë shfrytëzuar aeroportin e Cyrihut, si destinacion për nisje apo transit në udhëtimet e tyre.

Po ashtu raportohet për rritje të numrit të lëvizjeve të aeroplanëve për 3.1 për qind në 133.873 aterrime dhe zbritje.

Megjithatë, në raportin e aeroportit më të madh në Zvicër thuhet se shpenzimet operative janë rritur për 4.1 për qind në krahasim me gjysmën e parë të vitit 2011, kjo për shkak të infrastrukturës së re, si ndërtesa e re për kontroll të sigurisë etj.