Aeroporti i Cyrihut, rrit qarkullimin, zvogëlon fitimin

Është hera e parë në historinë e këtoj aeroporti që është tejkaluar shifra prej 26 milionë udhëtarëve. Saktësisht, gjatë vitit 2015 këtë aeroport e kanë shfrytëzuar 26 milionë e 300 mijë pasagjerë

Aeroporti i Cyrihut në Kloten, më i madhi në Zvicër, gjatë vitit 2015 ka bërë qarrkullim më të madh dhe ka pritur e përcjell numër më të madh pasagjerësh. Por, megjithatë, ai në fund të vitit ka regjistruar fitim më të ulët se sa një vit më parë.

Siç bën të ditur srf.ch, duke iu referuar informatave nga ndërmarrja menaxhuese, fitimi i aeroportit gjatë vitit të kaluar ka rënë për 13 për qind në krahasim me vitn 2014, që është një rënie për 180 milionë franga.

Shkak për këtë ulje të fitimit veç tjerash është pagesa ose dënimi që aeroporti është dashur të bëjë për zhurmën të cilën e shkakton dhe për masat që duhet financuar për mbrojtjen e qytetarëve që jetojnë në zonat rreth aeroportit.

Megjithatë, qarkullimi është shtuar për 2.6% ose për 990 milionë franga në krahasim me vitin paraprak.

Është hera e parë në historinë e këtoj aeroporti që është tejkaluar shifra prej 26 milionë udhëtarëve. Saktësisht, gjatë vitit 2015 këtë aeroport e kanë shfrytëzuar 26 milionë e 300 mijë pasagjerë.