Agjenti: Leoni vendosi me zemër dhe identiteti i tij familjar

“Nuk u mor kundër Zvicrës, por për Kosovën. Leon zgjodhi Kosovën nga bindja, nga zemra e tij dhe nga identiteti familjar”, deklaroi Sascha Fischer

Mesfushori shqiptar, Leon Avdullahu, ka vendosur të përfaqësojë Kosovën në arenën ndërkombëtare, duke refuzuar Zvicrën.

Vendimi i 21-vjeçarit shkaktoi bujë në Zvicër dhe Kosovë, transmeton albinfo.ch.

Drejtori i kombëtares zvicerane, Pierluigi Tami, reagoi duke thënë: “Dua ta bëj të qartë se ne duam vetëm ata lojtarë në ekipet tona kombëtare që identifikohen njëqind për qind me vendin dhe ekipin tonë kombëtar.”

Agjenti i tij, Sascha Fischer, e shpjegoi zgjedhjen si një vendim personal. “Nuk u mor kundër Zvicrës, por për Kosovën. Leon zgjodhi Kosovën nga bindja, nga zemra e tij dhe nga identiteti familjar.”

Ai shtoi se Avdullahu synon të përdorë reputacionin e tij për ta ndihmuar Kosovën të forcohet në futbollin evropian: “Ai dëshiron të përdorë emrin, cilësinë dhe reputacionin e tij për të bërë një ndryshim  për të ndihmuar një shoqatë dhe një komb të vendoset në futbollin evropian.”

Avdullahu pritet të debutojë për Kosovën në fillim të shtatorit,  pikërisht kundër Zvicrës, në kualifikueset e Botërorit 2026.

---