Ajeti dhe Xhaka të lumtur që fituan Kupën e Zvicrës

Futbollistët shqiptarë edhe një herë protagonist për skuadrën e Baselit

Baseli fitoi Kupën e Zvicrës të dielën, duke mundur në finale Thunin 2:1, për tu stolisur me Kupën e 13-të në histori.

Edhe në këtë sukses ndihmuan futbollistët shqiptarë, ku Albian Ajeti shënoi për 1:0, derisa Taulant Xhaka luajti si mbrojtës i djathtë, shkruan albinfo.ch.

Pas ndeshjes kanë folur edhe protagonistët, në mesin e tyre edhe Ajeti dhe Xhaka. Ata për “Nau.ch” janë shprehur të lumtur për këtë trofe, edhe pse nuk arritën të fitojnë titullin e kampionit.

“Goli për 1:0 ishte shumë i rëndësishëm. Thuni ishte shumë i fortë. Duhet t’I komplementoj”, deklaroi Ajeti pas ndeshjes.

“Nuk e kam problem ndërrimin e pozitës. Jam shumë i lumtur që fituam ndeshjen. Doja të fitonim për tifozët”, u shpreh Xhaka.

Pjesë e Baselit është edhe Edon Zhegrova, që nuk u aktivizua.

---