Ajna shkurton flokët për t’ua dhuruar fëmijëve me kancer

Ajo quhet Ajna, është me moshë e vogël, por ka një zemër të madhe.

Sot, vogëlushja ka vendosur të shkurtojë flokët, e krejt këtë e ka bërë për t’ua dhuruar bashkëmoshatërëve të saj, të cilët janë prekur nga kanceri, transmeton Indeksonline.

Madje, Ajna, sipas babait të saj, ka kohë që i ka rritur flokët vetëm për këtë qëllim.

“Kjo jetë është më e bukur kur ndihmojmë dhe e ndajmë me të tjerët.

Vajza ime, Ajna, ka shumë kohë që i zgjat flokët për t’i dhuruar për fëmijët e sëmurë me kancer.

Ajna donte të rikthente buzëqeshjen e shpresën te këta fëmijë, ajo dhuroi për të treguar se sa shumë i ndjen ata”, ka treguar babai i saj.

Ai ka thënë gjithashtu se vajza e tij, s’ është hera e parë që bëhet pjesë e këtyre iniciativave.

“Ajna ka qenë aktive në shumë organizime për ta dhe është mishëruar me dhimbjen, luftën dhe shpresën e tyre.

Jam mjaft i lumtur që vajza ime e ka kuptuar se kjo jetë është më e bukur kur ndihmojmë dhe e ndajmë me të tjerët”.