Aksident i rëndë në Itali, humb jetën 20-vjeçari shqiptar

@pixabay

Raportohet se një aksdient i rëndë ka ndodhur në Padova të Italisë, ku një 20-vjeçar shqiptar ka humbur jetën, përcjell albinfo.ch.

Policia italiane tregon se viktima është A. Vocaj, shtetas shqiptar i moshës 20-vjeçare.

Sipas asaj që raportojnë mediat italiane, i riu po udhëtonte me motor kur për shkaqe momentalisht të paqarta, ka humbur kontrollin e mjetit dhe ka përfunduar në anën e kundërt të rrugës.

Në atë moment, ai është përplasur me një makinë që drejtohej nga një 57-vjeçar italian, i cili nuk mundi të shmangte ndeshjen me motorin.

Për pasojë, i riu shqiptar gjeti vdekjen në vendin e ngjarjes.

Dyshimet paraprake të hetuesve janë se 20-vjeçari mund të ketë përfunduar në kahun e kundër të rrugës, pasi u godit nga një makinë tjetër, megjithatë hetimet për rastin vijojnë.

Nuk përjashtohet as mundësia e një manovre të gabuar, apo që i riu shqiptar mund të jetë ndier keq papritur.