Aksidenti tragjik në Greqi, Kurti: Zemërthyer të zgjohesh me këtë lajm

Kryeministri i Kosovës, Albin Kurti, ka reaguar për aksidentin tragjik në Greqi, ku mbetën të vdekur mbi 30 persona.

Ai thotë se gjatë kësaj tragjedie, Kosova qëndron me Greqinë.

“Është zemërthyer të zgjohesh me lajmin për përplasjen e tmerrshme të trenave në Greqinë qendrore mbrëmë. Ngushëllimet e mia më të sinqerta për familjet e viktimave. Të lënduarve u uroj shërim të shpejtë dhe të plotë. Kosova qëndron me Greqinë gjatë kësaj tragjedie dhe populli i Greqisë është në mendimet dhe lutjet tona”, ka shkruar ai.