Lajme
Gjenerali polak: Duhet të përgatitemi për konflikt të gjithanshëm
Polonia duhet të përgatisë ushtarët e saj për konflikt të gjithanshëm. Alarmin e ka ngritur shefi i Shtabit të forcave të armatosura polake, ndërsa vendi rrit numrin e trupave në kufirin e saj me Rusinë dhe Bjellorusinë. Deklaratën e tij gjenerali polak Wieslaw Kukla e dha gjatë një konference për shtyp.
“Sot, ne duhet të përgatisim forcat tona për konflikt në shkallë të plotë, jo një konflikt të tipit asimetrik. Kjo na detyron të gjejmë një ekuilibër të mirë mes misionit kufitar dhe ruajtjes së intensitetit të stërvitjes në ushtri”.
Duke folur në të njëjtën konferencë, zëvendësministri i Mbrojtjes së Polonisë, Pawel Bejda, tha se që nga muaji gusht numri i trupave që ruajnë kufirin lindor të Polonisë do të rritet në 8 mijë nga 6 mijë aktual, me një praparojë shtesë prej 9 mijë trupash në gjendje të rritet brenda 48 orëve.
Marrëdhëniet e Polonisë me Rusinë dhe aleatin e saj Bjellorusinë janë përkeqësuar ndjeshëm që kur Moska dërgoi dhjetëra mijëra trupa në Ukrainën fqinje më 24 shkurt 2022, duke nisur një luftë që ende po zhvillohet, transmeton Cnn, përcjell albinfo.ch.
Por, një sulm i mundshëm rus ndaj NATO-s është akoma i largët. Kështu është shprehur Shefi i Aleancës veriatlantike, Jens Stoltenberg.
“Ne nuk shohim ndonjë kërcënim të afërt ushtarak kundër ndonjë aleati të NATO-s dhe Rusia është plotësisht e preokupuar me luftën kundër Ukrainës”.
Në lidhje me idenë e pranimit të Ukrainës në NATO, Stoltenberg shprehet se është akoma herët që kjo gjë të ndodhë dhe nuk dihet saktësisht se kur.
Në rrugën drejt aderimit në NATO, Ukraina duhet të bindë vendin më skeptik të Bashkmit Europian, Hungarinë.
Ministri i Jashtëm hungarez ka bërë të ditur se “anëtarësimi i Ukrainës në NATO nuk është i realizueshëm për shkak të rrezikut të konfliktit të drejtpërdrejtë me Rusinë”.
Kreu i diplomacisë hungareze kritikoi gjithashtu “ndryshimin në kriteret për të qenë një aleat i NATO-s, i cili tani duket se përfshin mbështetjen për Ukrainën, në vend që të fokusohet në mbrojtjen kolektive dhe forcën e brendshme.
Të tjera nga Lajme
E-Diaspora
-
Dita e Pavarësisë së Kosovës u festua me muzikë klasike në Emmedingen Shqiptarët e Emmendingenit me „Yjet e Kosovës“ janë shembulli më i mirë dhe pasuri e qytetit... -
Kirurgët shqiptarë bashkohen: Prof. Dr. Alban Neziri përfaqëson Zvicrën -
Ansambli “Arbëresha” festoi 22 vjetorin e themelimit -
2025: 1.42 miliard euro nga diaspora për Kosovën, më së shumti nga Gjermania dhe Zvicra -
Krimi i organizuar në Francë dhe imazhi i shqiptarëve: një perspektivë mediatike
Jeta në Zvicër
-
Zvicêr: Presioni profesional apo ndryshimi social: Kush është përgjegjës për mungesat në punë? Më shumë se 100,000 punonjës mungojnë çdo ditë në Zvicër, sipas një studimi të publikuar në... -
Shërbimi hekurudhor Cyrih–Bern i ndërprerë: Dëmtimi i shinatave shkakton kaos në trafik -
Zonat e skive në Fribourg po bëhen gjithnjë e më të popullarizuara tek zviceranët që flasin gjermanisht -
Berna do të ndalojë autobusët në qendër të qytetit -
Zvicra heton helmim të mundshëm nga formula e foshnjave












