Albert Vallçi grumbullohet të luajë për kombëtaren e Austrisë

Kosova ka humbur mundësinë për të grumbulluar një nga talentet shqiptar të futbollit, Albert Vallci. Ai është ftuar të luajë për Austrinë

Mbrojtësi kosovar është përfshirë në listën e gjerë të përfaqësueses së Austrisë për ndeshjet e këtij muaji, shkruan albinfo.at

26-vjeçari i cili luan tek klubi austriak, “Red Bull Salzburg” është ftuar në mesin e 43 futbollistëve nga trajneri, Franco Foda.

Mediumet austriake kanë raportuar se lista prej 43 lojtarëve është ndoshta përfshirja më e madhe në histori të ekipit përfaqësues.

Por, numri i lojtarëve do të reduktohet të premten.

Vallçi ishte ftuar edhe në vitin 2019 në ndeshjen kualifikuese për Evropianin e këtij viti në ndeshjen kundër Maqedonisë së Veriut. Por, ai nuk debutoi.

Austria më 25 mars, luan ndaj Skocisë, ndërsa më 28 mars kundër Ishujve Faroe. Më 31 mars ndaj Danimarkës.

Të tri ndeshjet i luan në kuadër të kualifikimeve për kampionatin botëror “Katari 2022”.

---