Ambasada amerikane: Kosova ka shumë vende të bukura që duhen vizituar

Bukuritë e natyrës së Kosovës po tërheqin së fundi vëmendjen e të huajve, të cilët ua sugjerojnë ato të tjerëve për t`i shijuar.

Në mesin e atyre që kanë pasur rastin t`i eksplorojnë këto bukuri, kanë qenë edhe disa punonjës të Ambasadës së Shteteve të Bashkuara të Amerikës në Kosovë. Dhe, në një postim të bërë në FB ata kanë theksuar se në Kosovë ka shumë vende të bukura që ia vlen të vizitohen.

Punonjësit e kësaj ambasade në Kosovë, së fundmi kanë vizituar shpellën Radavc në Pejë për të parë burimin e Drinit të Bardhë.

“Ka kaq shumë bukuri për të eksploruar në Kosovën e bukur – disa prej ekipit të Ambasadës patën fatin ta vizitojnë Shpellën Radavc në Pejë, për të parë se nga buron lumi Drin”.

Më poshtë, postimi në origjinal: