Ambasada e Zvicrës në Kosovë: nga 3 korriku aplikim për viza “online”

Ambasada e Zvicrës në Kosovë ka njoftuar sërish qytetarët rreth procedurave të reja për aplikim për vizë për qytetarët e Kosovës

Nga 3 korriku i këtij viti, Ambasada e Zvicrës në Kosovë, do të prezantojë një aplikacion online dhe një portal për rezervim të terminit për viza Shengen. Përmes këtij njoftimi, ambasada tregon procedurat se si duhet të aplikohet online për vizë Shengen, duke i njoftuar sërish kosovarët, se tani qasja për aplikimin e vizave ka ndryshuar.

“Nga 3 korriku 2017 Ambasada e Zvicrës do të prezantojë një aplikacion online dhe një portal për rezervim të terminit për viza Shengen. Aplikantët të cilët kanë për qëllim të aplikojnë për vizë Shengen për të udhëtuar në Zvicër, Francë, Austri apo shtetet e Beneluksit do të kenë qasje në faqen e internetit www.swiss-visa.ch . Për shkak të futjes së menjëhershme të sistemit të ri, rezervimi i drejtpërdrejtë i terminëve për viza pranë Ambasadës do të jetë i mundur vetëm deri më 28 qershor 2017”,thuhet në njoftim.

Ndryshe, deri më tani, qytetarët kanë qenë të detyruar të qëndrojnë në radhë para selisë së Ambasadës zvicerane, për të bërë fillimisht termin e më pas edhe për të aplikuar për viza. Tani procedurat thjeshtohen, dhe aplikohet pothuajse e njëjta [praktikë, sikurse në ambasadat tjera të Bashkimit Evropian.