Analisti gjerman fajëson Macron-in për bllokimin e liberalizimit të vizave për Kosovën

Keystone

Eksperti gjerman për Ballkanin Perëndimor Bodo Weber për ngecjen e integrimit të Ballkanit në BE po e fajëson presidentin e Francës Emmanuel Macron.

“Ka mosmarrëveshje serioze mes vendeve anëtare për të ardhmen e zgjerimit. Presidenti francez Macron është seriozisht kundër zgjerimit të mëtejshëm të Bashkimit Evropian por që nuk e thotë me zë të lartë. Madje ai po ndikon edhe te shtetet tjera që të bllokojë zgjerimin e mëtejmë të BE-së. Qeveria e re gjermane do të ketë një sfidë të vështirë me Macronin, pasi që nëse nuk gjendet një marrëveshje me Parisin për të zhbllokuar zgjerimin e BE-së me Shqipërinë dhe Maqedoninë e Veriut, zgjerimi do të jetë përfundimisht i vdekur për vitin e ardhshëm”, deklaroi Weber për RTV Dukagjinin.

Madje sipas tij, Macron po e bllokon eshe liberalizimin e vizave për Kosovës pasi sipas tij, Kosova në këtë rast ka rënë viktimë e krizës së refugjatëve gjatë viteve 2015-2016.