Baza e SVP-së kundërshton vaksinimin më shumë se ballkanasit e Zvicrës

Një anketë e gjerë, e realizuar në nivel të Zvicrës nga SRG jep përgjigje për shumë çështje që lidhen me pandeminë, politikën, qasjen e politikanëve ndaj pandemisë etj., shkruan srf.ch.

Kjo anketë, veç tjerash tregon gjithashtu se shkalla e vaksinimit të njerëzve të huaj ose të natyralizuar nga Amerika e Veriut ose Evropa Veriore është më e lartë se ajo e zviceranëve që nga lindja.

Siç dihet, është spekuluar, me ose pa të drejtë për mosbesimin e qytetarëve me prejardhje nga Ballkani, kundrejt vaksinimit.

Megjithatë, sipas këtij sondazhi, është një kategori tjetër në të cilën ky mosbedim dhe kuota e vaksinimit është edhe më e ulët se ajo te njerëzit nga Evropa Juglindore, transmeton albinfo.ch. Këtë kategori e përbën anëtarësia e SVP-së. Afër 50% e tyre, në parim, nuk duan të vaksinohen.

Ndërsa te qytetarët me rrënjë nga Ballkani, kuota e atyre që janë kundër vaksinimit është më e ulët se te SVP-ja.  SRG nuk e ka publikuar shifrën e saktë për këtë kategori.