Anulohen fluturimet Vjenë-Shkup dhe anasjelltas

Foto: Austrian Airlans në Facebook

Si pasojë e grevës së stafit të “Austrian Airlines” janë anuluar fluturimet nga Vjena për në Shkup dhe anasjelltas.

Lajmi është konfirmuar në web-faqen zyrtare të Aeroportit Ndërkombëtar të Shkupit, pasi nuk janë vendosur as fluturimet, as uljet me këtë kompani ajrore, transmeton albinfo.at.

Ndryshe, për shkak të grevës, e cila sipas njoftimeve duhet të zgjasë sot dhe nesër, globalisht janë anuluar rreth 400 fluturime dhe janë prekur rreth 50.000 pasagjerë.

Gjatë këtyre dy ditëve kjo kompani ajrore duhej të realizojë 24 fluturime nga Vjena deri në qytetet ku përfshihen: Shkupi, Prishtina, Sarajeva, Beogradi, Zagrebi, Podgorica, Dubrovniku dhe Spliti.