Apel për shpëtimin e Valbonës nga shkatërrimi

Nëse lejojmë ndërtimin e hidrocentralëve e gjithë lugina e Valbonës do të shkatërrohet. Ndërtimi ka filluar më datën 28 Shtator por nuk është kurrë vonë për t`i ndalur

Në një apel të shpërndarë në fb nga organizata “TOKA” u bëhet thirrje shqiptarëve që të ndihmojnë në parandalimin e shkatërrimit të lumit të Valbpne¨s dhe parkut rreth tij nga shkatërrimi.

“Në emër të Shqiptarëve kudo që ndodhen dhe organizatës ‘TOKA” kjo është një thirrje për ndihmë!”, thuhet në hyrje të apelit. Qeveria e Shqipërisë ka aprovuar ndërtimin e tre hidrocentralëve në Parkun Kombëtar të Valbonës – një nga parqet më të bukura dhe më të vizituar të Shqipërisë. Këto projekte paraqesin rrezik per lumin e Valbonës dhe për parkun prandaj për këtë arsye kemi nevojë për ndihmën tuaj që të ndalojmë ndërtimin e tyre. Hidrocentralët do të mbyllin lumin e Valbonës me një tubë prej 3 metra gjerësi duke hequr 80% të burimit të vetëm për ujë për kafshët, pyjet, dhe banorët e zonës, të cilët kanë jetuar aty prej vitesh. Gjithashtu VALBONA është një nga pikat turistike që ka zhvilluar turizmin në Shqipëri. Nëse lejojmë ndërtimin e hidrocentralëve e gjithë lugina e Valbonës do të shkatërrohet. Ndërtimi ka filluar më datën 28 Shtator por nuk është kurrë vonë për t`i ndalur.

Për këtë çështje po kërkojme fonde për të mbuluar kostot e procedurave ligjore, administrative dhe protestuese.

Ju lutemi, të gjithë së bashku të ndalojmë ndërtimin e hidrocentralëve dhe të ruajmë bukurinë e Valbonës. Një kontribut i vogël na ndihmon të bëjmë punën tonë. Ju lutem shpërndajeni!”, thuhet në apelin që ka shpërndarë organizata “TOKA”

https://www.gofundme.com/stop-hydroelectric-dams-in-valbona

#mosmaprekvalbonen