Aplikoni për Çmimin për Integrim të qytetit të Bernës

Qyteti i Bernës ndan në qershor Çmimin e dymbëdhjetë me radhë për Integrim

Kështu të gjithë ata që me angazhimin e tyre kanë punuar në favor të integrimit të popullsisë emigrante mund të dorëzojnë aplikacionet e tyre deri më 15 shkurt.

Konkursi është i hapur për të gjithë ata që kanë dhënë kontribut me projeketet e tyre interesante, inovative dhe të qëndrueshme për integrimin e emigrantëve.

Pjesëmarrja është e hapur për të gjithë, po ashtu për klubet, organizatat e popullsisë migrante, shoqata, institucione të tilla, si shkollat dhe qendrat e kujdesit të fëmijëve, bizneset, organizatat jofitimprurëse etj. Çmimi kryesor kap shumën 10 mijë franga dhe është i financuar nga Fondacioni Warlomont-Anger. Përveç kësaj, një çmim prej 4 mijë frangash do të ndahet për angazhimin inovativ të promovimit të integrimin. Çmimi është sponsorizuar nga Mobiliar. Fituesit do të përzgjedhen nga një juri prej shtatë anëtarësh.

Çmimi për Integrim i Qytetit të Bernës ndahet prej vitit 2004. Ky çmim ndahet nga Drejtoria Komunale për Arsim, Çështje Sociale dhe Sport. Qëllimi i çmimit është njohja publike e punës së bërë nga persona, shoqata dhe grupe në fushën e integrimit.

Për më shumë informacione në lidhje me çmimin e integrimit të qytetit të Bernës klikoni këtu: www.bern.ch/integrationspreis.

Aplikacionet mund të dërgohen direkt: Kompetenzzentrum Integration, Effingerstrasse 21, PO Box 8125, 3001 Bernë.