Armando Sadiku së shpejti me skuadër të re

Nuk përjashtohet mundësia që Sadiku të kalojë edhe tek FC Basel 1893 kampion i shumëfishtë dhe aktual i Zvicrës

FC Lugano anëtare e  Raiffaisen Super  League të Zvicrës, dhe pjesëmarrëse në  një nga Ligat e  Evropës, do të mbetet pa sulmuesin e saj të  njohur Armando Sadiku.

Këtë lajm e ka konfirmuar edhe  faqja zyrtare e  “Swiss Football League” e Zvicrës.

Kjo faqe  me kohë njofton të gjithë sportdashësit me të gjitha “vajtje –ardhjet” e futbollistëve në të dyja Ligat kryesore të Zvicrës.

Mirëpo  faqja përveç njoftimit që Sadiku do të  largohet nga FC Lugano, nuk ofrohen detaje të tjera.  Nga burime të afërta me këtë lojtar mësojmë  që  shumë ekipe të  Italisë anëtare të  Serisë  A, kanë shprehur interesim për këtë sulmues mjaft cilësor .

Po ashtu nuk përjashtohet mundësia që Sadiku të  kalojë edhe  tek FC Basel 1893 kampion i shumëfishtë i Zvicrës.