Kosova

Arrestohen dy persona, dyshohet se vodhën vetura

E enjte, 27 Qershor 2019 - 23:00 albinfo.ch
Foto ilustrim

Policia e Kosovës ka arrestuar dy persona, nën dyshimin për veprën penale “Vjedhje e rëndë”, përcjell albinfo.ch.

Sipas njoftimit të policisë, të arrestuarit po dyshohen se kanë vjedhur vetura.

“Sektori i Hetimeve në Stacionin Policor – Fushë Kosovë me urdhëresë të Gjykatës Themelore në Prishtinë, ka realizuar dy urdhër kontrolle në dy lokacione të ndryshme. Në njërin nga këto lokacione janë konfiskuar prova materiale dhe me urdhër të Prokurorisë Themelore në Prishtinë janë arrestuar dy persona të dyshuar”, thuhet në njoftim.

Të arrestuarit janë rreth moshave 24 dhe 28 vjeç, sipas njoftimit të Policisë.

Me urdhër të prokurorit, të dyshuarit e arrestuar janë dërguar në qendrën e ndalimit për 48 orë, përcjell albinfo.ch.

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Mërgata do të votojë më 27 dhjetor në përfaqësitë diplomatike, KQZ jep udhëzime për procesin

 E-Diaspora

 Jeta në Zvicër