Arrestohet 24-vjeçari kosovar nën dyshimin se ka përdhunuar 37 vjeçaren

Një kosovar 24-vjeçar është arrestuar të dielën e kaluar pas përdhunimit të dyshuar të një gruaje 37-vjeçare në Parkun Horburg të Bazelit. Sipas hetimeve të mëparshme, gruaja u takua me të riun, në një klub në Claraplatz të qytetit Bazel, transmeton albinfo.ch.

Të dy më pas kishin marrë një taksi në Horburgpark, vendi ku gruaja u përdhunua, ka njoftuar të dielën zyra e prokurorit publik Basel-Stadt, shkruan sda.ch. Autori i dyshuar pastaj është arratisur dhe gruaja ka lajmëruar policinë.

24-vjeçari është kthyer në klub dhe aty është arrestuar nga policia. Ecuria e saktë e ngjarjes nuk është e qartë dhe po hetohet. Policia është në kërkim të dëshmitarëve.