Arrestohen gjashtë mërgimtarë për përleshje mes vete

Gjashtë persona/ mërgimtarë janë arrestuar gjatë ditës së sotme në pikën kufitare në Merdare.

Edhe policia ka konfirmuar se përleshja ka ndodhur rreth orës 12:00 në Merdare në Podujevë, ndërsa personat i involvuar janë arrestuar.

“Në vendin e ngjarjes kanë dalë menjëherë njësitet policore dhe kanë shoqëruar në stacion gjashtë personat e përfshirë në këtë rast, tre prej të cilëve kanë pësuar lëndime të lehta trupore”, ka thënë Ahmeti.

Pikat kufitare gjatë kohës së fundvitit dhe sezones së verës janë më të ngarkuara pasi që mërgimtarët zgjedhin vendlindjen për të kaluar pushimet.